ಮಂಗಳೂರು: ಪುಣೆಯ ಬಾಲೇವಾಡಿ ಕ್ರೀಡಾಂಗಣದಲ್ಲಿ ನಡೆದ 6 ನೇ ರಾಷ್ಟ್ರೀಯ ಫಿನ್ ಸ್ವಿಮ್ಮಿಂಗ್ ಚಾಂಪಿಯನ್‌ಶಿಪ್–2026ರಲ್ಲಿ ಮಂಗಳೂರಿನ ಯುವ ಈಜುಪಟುಗಳು ಗಮನಾರ್ಹ ಸಾಧನೆ ಮಾಡಿದ್ದು, ಹಲವು ಚಿನ್ನ, ಬೆಳ್ಳಿ ಹಾಗೂ ಕಂಚಿನ ಪದಕಗಳನ್ನು ಗೆದ್ದು ಜಿಲ್ಲೆಯ ಕೀರ್ತಿ ಹೆಚ್ಚಿಸಿದ್ದಾರೆ.
ವೀ ವನ್ ಅಕ್ವಾ ಸೆಂಟರ್‌ನ ಕ್ರೀಡಾಪಟುಗಳು ವಿವಿಧ ವಯೋಮಾನದ ವಿಭಾಗಗಳಲ್ಲಿ ಅತ್ಯುತ್ತಮ ಪ್ರದರ್ಶನ ನೀಡಿದ್ದು, ಕೆಲವರು ವೈಯಕ್ತಿಕ ಸ್ಪರ್ಧೆಗಳಲ್ಲಷ್ಟೇ ಅಲ್ಲದೆ ರಿಲೇ ಸ್ಪರ್ಧೆಗಳಲ್ಲೂ ಚಿನ್ನದ ಪದಕ ಹಾಗೂ ಹೊಸ ದಾಖಲೆಗಳನ್ನು ನಿರ್ಮಿಸಿದ್ದಾರೆ.
ಶಾನ್ವಿ ಕೆ.ಗೆ ಎರಡು ಬೆಳ್ಳಿ, ರಿಲೇಯಲ್ಲಿ ಚಿನ್ನ
ಜೂನಿಯರ್–ಡಿ ಬಾಲಕಿಯರ ವಿಭಾಗದಲ್ಲಿ ಶಾನ್ವಿ ಕೆ. ಅವರು 200 ಮೀಟರ್ ಹಾಗೂ 100 ಮೀಟರ್ ಬೈಫಿನ್ಸ್ ಸ್ಪರ್ಧೆಗಳಲ್ಲಿ ಬೆಳ್ಳಿ ಪದಕ ಗೆದ್ದರು. 4×100 ಮೀಟರ್ ಮಿಶ್ರ ರಿಲೇಯಲ್ಲಿ ಚಿನ್ನದ ಪದಕ ಗೆದ್ದ ತಂಡದ ಸದಸ್ಯೆಯಾಗಿಯೂ ಮಿಂಚಿದರು.
ನೋವಾ ಜೋ ಪೈಸ್‌ಗೆ ಎರಡು ಚಿನ್ನ
ಜೂನಿಯರ್–ಇ ಬಾಲಕರ ವಿಭಾಗದಲ್ಲಿ ನೋವಾ ಜೋ ಪೈಸ್ ಅವರು 200 ಮೀಟರ್ ಹಾಗೂ 100 ಮೀಟರ್ ಬೈಫಿನ್ಸ್ ಸ್ಪರ್ಧೆಗಳಲ್ಲಿ ಚಿನ್ನದ ಪದಕ ಗೆದ್ದು ಗಮನ ಸೆಳೆದರು. 50 ಮೀಟರ್ ಬೈಫಿನ್ಸ್‌ನಲ್ಲಿ ಕಂಚಿನ ಪದಕವನ್ನೂ ತಮ್ಮದಾಗಿಸಿಕೊಂಡರು.
ರಾಷ್ಟ್ರೀಯ ದಾಖಲೆ ನಿರ್ಮಿಸಿದ ಸಾರಾ
ಗ್ರೂಪ್–ಎಫ್ ಬಾಲಕಿಯರ ವಿಭಾಗದಲ್ಲಿ ಸಾರಾ ಎಲಿಷಾ ಪಿಂಟೋ ಅವರು ಅತ್ಯುತ್ತಮ ಸಾಧನೆ ಮಾಡಿದರು. 50 ಮೀಟರ್ ಸರ್ಫೇಸ್ ಹಾಗೂ 50 ಮೀಟರ್ ಬೈಫಿನ್ಸ್‌ನಲ್ಲಿ ಚಿನ್ನದ ಪದಕ ಗೆದ್ದ ಅವರು, 50 ಮೀಟರ್ ಬೈಫಿನ್ಸ್ ಸ್ಪರ್ಧೆಯಲ್ಲಿ ನೂತನ ರಾಷ್ಟ್ರೀಯ ದಾಖಲೆ ನಿರ್ಮಿಸಿದರು. 100 ಮೀಟರ್ ಬೈಫಿನ್ಸ್‌ನಲ್ಲಿ ಬೆಳ್ಳಿ ಪದಕ ಪಡೆದ ಅವರು ವೈಯಕ್ತಿಕ ಚಾಂಪಿಯನ್‌ಶಿಪ್‌ನ್ನೂ ತಮ್ಮದಾಗಿಸಿಕೊಂಡರು.
ಇದೇ ವಿಭಾಗದ ಅಹಾನಾ ಅಭಿಷೇಕ್ ಅವರು 50 ಮೀಟರ್ ಸರ್ಫೇಸ್ ಹಾಗೂ 50 ಮೀಟರ್ ಬೈಫಿನ್ಸ್‌ನಲ್ಲಿ ಬೆಳ್ಳಿ ಪದಕ ಮತ್ತು 100 ಮೀಟರ್ ಬೈಫಿನ್ಸ್‌ನಲ್ಲಿ ಚಿನ್ನದ ಪದಕ ಗೆದ್ದರು.
ರಿಲೇಯಲ್ಲಿ ದಾಖಲೆ ಬರೆದ ಗ್ರಹಿತ್, ನೈತಿಕ್
ಜೂನಿಯರ್–ಜಿ ಬಾಲಕರ ವಿಭಾಗದಲ್ಲಿ ಮುಹಮ್ಮದ್ ನುಮಾನ್ ಬಾಜಿ ಅವರು 100 ಮೀಟರ್ ಬೈಫಿನ್ಸ್‌ನಲ್ಲಿ ಬೆಳ್ಳಿ ಪದಕ ಹಾಗೂ 50 ಮೀಟರ್ ಸರ್ಫೇಸ್ ಮತ್ತು 50 ಮೀಟರ್ ಬೈಫಿನ್ಸ್‌ನಲ್ಲಿ ಕಂಚಿನ ಪದಕ ಗೆದ್ದರು.
ಜೂನಿಯರ್–ಬಿ ಬಾಲಕರ ವಿಭಾಗದಲ್ಲಿ ಗ್ರಹಿತ್ ಜಿ. ಪ್ರಭು ಅವರು 4×100 ಮೀಟರ್ ಬೈಫಿನ್ಸ್ ರಿಲೇ ಹಾಗೂ 4×100 ಮೀಟರ್ ಮಿಶ್ರ ರಿಲೇಯಲ್ಲಿ ಚಿನ್ನದ ಪದಕ ಗೆದ್ದರು. ಎರಡೂ ರಿಲೇಗಳಲ್ಲಿ ಹೊಸ ಮೀಟ್ ದಾಖಲೆ ನಿರ್ಮಿಸಿದ ತಂಡಗಳ ಸದಸ್ಯರಾಗಿದ್ದರು.
ನೈತಿಕ್ ಎನ್. ಅವರು 4×100 ಮೀಟರ್ ಬೈಫಿನ್ಸ್ ರಿಲೇಯಲ್ಲಿ ಹೊಸ ಮೀಟ್ ದಾಖಲೆಯೊಂದಿಗೆ ಚಿನ್ನದ ಪದಕ ಹಾಗೂ 50 ಮೀಟರ್ ಬೈಫಿನ್ಸ್‌ನಲ್ಲಿ ಕಂಚಿನ ಪದಕ ಪಡೆದರು.
ತರಬೇತುದಾರರ ಮಾರ್ಗದರ್ಶನ
ವೀ ವನ್ ಅಕ್ವಾ ಸೆಂಟರ್‌ನ ಮುಖ್ಯ ತರಬೇತುದಾರರಾದ ಲೋಕರಾಜ್ ವಿ.ಎಸ್. ವಿಟ್ಲ ಹಾಗೂ ಅಭಿಲಾಷ್ ಟಿ. ಮತ್ತು ಸಹ ತರಬೇತುದಾರರಾದ ಆರೋಮಲ್ ಎ.ಎಸ್., ಸುಧೀನ್ ರಾಜ್ ಶೆಟ್ಟಿ, ಗಗನ್ ಜಿ. ಪ್ರಭು ಹಾಗೂ ಸಂಜಯ್ ಉಳ್ಳುವೇಕರ್ ಅವರ ಮಾರ್ಗದರ್ಶನದಲ್ಲಿ ಈ ಕ್ರೀಡಾಪಟುಗಳು ತರಬೇತಿ ಪಡೆಯುತ್ತಿದ್ದಾರೆ.
ಕ್ರೀಡಾಪಟುಗಳ ಈ ಸಾಧನೆಗೆ ವೀ ವನ್ ಅಕ್ವಾ ಸೆಂಟರ್ ನಿರ್ದೇಶಕ ನವೀನ್ ಹಾಗೂ ರೂಪಾ ಜಿ. ಪ್ರಭು ಅವರು ಕ್ರೀಡಾಪಟುಗಳನ್ನು ಅಭಿನಂದಿಸಿದ್ದಾರೆ.
What do you feel about this post?
Like
Love
Happy
Haha
Sad
Angry
Related posts:
Giridhar Salian: ಜಾವಲಿನ್‌ ಹಿಡಿದು ಗೆಲುವಿನೆಡೆಗೆ ಗಿರಿಧರ್ ಸಾಲಿಯಾನ್, ಇಂದು ವಿಶ್ವ ವೇದಿಕೆಯಲ್ಲಿ ಪದಕಗಳ ಬೇಟೆ
ವೇಟ್‌ಲಿಫ್ಟಿಂಗ್‌ನಲ್ಲಿ ಆಳ್ವಾಸ್‌ಗೆ ಅವಳಿ ಸಮಗ್ರ ಪ್ರಶಸ್ತಿ, ಹುಡುಗರ ವಿಭಾಗದಲ್ಲಿ 5 ಚಿನ್ನ; ಹುಡುಗಿಯರ ವಿಭಾಗದಲ್ಲಿ 5 ಚಿನ್ನ, ಬೆಳ್ಳಿ–ಕಂಚಿನ ಪದಕಗಳ ಸಾಧನೆ
ಏಷ್ಯನ್ ಗೇಮ್ಸ್‌: ಮೀರಾಬಾಯಿ ಚಾನುಗೆ ಬೆಳ್ಳಿ ಹೊಳಪು
ರಾಷ್ಟ್ರ ಮಟ್ಟಕ್ಕೆ ವೀ ವನ್ ಅಕ್ವಾ ಕೇಂದ್ರದ ಈಜುಪಟುಗಳ ಆಯ್ಕೆ
